ABŞ prezidenti Co Bayden Texas ştatının Kolleyvil şəhərində sinaqoqda girov götürülməsini “terror aktı” adlandırıb.

Trend-in məlumatına görə, bu barədə Ağ Evin mətbuat xidməti bildirib.

ABŞ prezidenti qeyd edib ki, bu, terror aktı olub. Onun sözlərinə görə, ABŞ hakimiyyəti hələ baş verənlərin bütün təfərrüatlarını, o cümlədən girov götürənin silahı haradan əldə etdiyini dəqiq bilmir.

O, ədliyyə naziri – ABŞ-ın baş prokuroru Merrik Qarlendla əlaqə saxladığını vurğulayıb və gələcəkdə “oxşar əməllərin” qarşısının alınması üçün faəliyyət göstərdiklərini qeyd edib.